Kamfanin Dillancin Labaran ƙasa da ƙasa na Ahlul-Baiti (ABNA) ya habarta cewa: Birnin Halab ya fuskanci karuwar rikici tsakanin SDF da sojojin gwamnatin wucin gadi na Syria a ranar Laraba, inda mutane 8 suka mutu sannan wasu 54 suka jikkata, a cewar majiyoyin Syria.
Majiyoyin Syria sun bayar da rahoton kashe fararen hula hudu da kuma raunata wasu 27 a rikicin da aka yi tsakanin sojojin gwamnatin wucin gadi na Syria da mayakan SDF a birnin Aleppo wato Halab.
Bayan karuwar rikicin tsakanin sojojin gwamnatin wucin gadi na Syria da sojojin "SDF" na Kurdawa, fararen hula na ci gaba da tserewa daga wasu unguwanni a Aleppo, kuma an tilasta wa daruruwan iyalai barin gidajensu zuwa yanzu.
Kungiyar Tsaron Fararen Hula ta Siriya tana cewa a ranar Laraba: Yayin da ake ci gaba da fafatawa da dakarun SDF a Aleppo, adadin fararen hula da suka bar unguwannin Sheikh Maqsoud da Ashrafiya ya zarce 2,324.
Majiyoyin hukuma sun jaddada cewa tsarin fitar da mazauna daga wadannan unguwanni biyu zuwa yankunan da ke nesa da unguwannin rikici yana ci gaba, yayin da wasu tituna ya zamo babu kowa.
A halin yanzu, SDF a cikin wata sanarwa ta yi watsi da jita-jitar da ake yadawa game da cimma yarjejeniyar tsagaita wuta a fagen daga kuma ta ishara da cewa duk kokarin ya gaza saboda dagewar kungiyoyin sojoji da ke da alaƙa da gwamnatin wucin gadi ta Siriya na ci gaba da kai hare-haren.
SDF ta yi gargadin: Yayin da ake ci gaba da kai hare-hare da jiragen sama marasa matuki da sojojin gwamnatin wucin gadi ta Siriya ke yi kan unguwannin zaman mutanen, sojojin da ke da alaƙa da gwamnatin wucin gadi ta Siriya na shirin kai hari mai girma a cikin awanni masu zuwa.
SDF ta kara da cewa sojojin Siriya sun kai hare-hare sau hudu a jere ta amfani da tankuna da motocin sulke, wadanda suka fuskanci turjiya daga jami'an tsaron cikin gida na kungiyar 'yan bindiga da kuma goyon bayan al'ummar yankin.
Rundunar ta yi gargadin cewa duk wani yunƙuri na aikata sabbin abubuwan da suka faru na soja ta hanyar farfagandar kafofin watsa labarai da kuma faɗan ƙasa mai ƙarfi ba zai tafi haka kawai ba, kuma cewa cikakken alhakin duk wani mummunan sakamako yana kan ɓangaren da ya fara kai harin.
Ra'ayinka